Min îro li Hewlêrê çi dît? (WÊNE)

Min îro li Hewlêrê ev tişt dîtin:

- Li sûka kevin ya Hewlêrê benîştê daran...

- Li dibistanekê pirtûkên dersan ên berî 20 salan...

- Li bazarê hem feqîriyeke pir ecêb û hem jî zengîniyeke pir ecêb...

- Çirûskên pêşîn ên biharê...

- Lobiyeke mezin a ku gelek welat ji bo 20 salên pêşiya me dikin...

- Mêvanperweriyeke jidil, sohbeta kurdiyeke pir xweş û helbet kenîna sedîsed bi kurdî...

- Bakuriyên ku xwe bi azadiya Hewlêrê ve digirin...

- Seyareyên pir lûks ên ku hema bêje li Almanyayê jî nayêne dîtin...

- Hestên kurdewarî ên ku bayê xwe yê azadiyê ber bi Bakur ve li ba dikin...

- Kurdên ku bi tenê bi jimartina pereyan ve mijûl in...

- Dînamîkên ciwan ên ku ronî didin pêşiya Kurdistanê...

- Têgeha "mamoste" ya ku rê nade mamosteyên Kurdistanê bigihin...

- Xewn û xeyala Stenbol, Îbrahîm Tatlises, Mahsûn Kirmizigûl û gelek stranbêjên tirk ên ku êdî civaka tirk jî navê wan nizanin...

- Gumgumokên hişkkirî yên ku ji bo dermankirinê tên firotin...

- Bêhna mazotê ya ku teoriyên bêdawî bi xwe ve dihûne...

- Navenda siyasetê ya ku hişê siyasetmedarên kurd fireh dike...

- Bazara "alayên Kurdistanê" yên ku bi hemû rê û rêbazî mûşteriyan bi xwe ve dikişîne. (Min jî wekî diyarî kumeke ku alaya Kurdistanê li ser e, kirî!)

- Ji hemû fikir, îdeolojî, partî, nêrîn û dezgehên Kurdistanî, ku hemû jî diherikin ser xewn û xeyalên Ehmedê Xanî...

- Efsaneya Mistefa Barzanî ya ku her roj bi hezar awayan xwe ji nû ve dîsa divejîne û dibe rêberê sembolên nû...

Bi kurt û sormancî:) min îro li Hewlêrê civakeke Kurdistanî dît ku her tişt tê de heye...

***

Dê çend koçernotên min yên ji Hewlêrê di vî quncikî de berdewam bikin...