Li vê sextekariya “inşalah, maşileh“ binêrin! (VÎDYO)

Me berî çendekê dîsa behsa misilmantiya sexte ya Adnan Oktar kiribû.

Adnan Oktar li Tirkiyê, serokê tarîqatekî tirk e; wekî serokê cemaeteke dînî tê naskirin.

Li ser teoriya tirk-îslamê her roj di televîzyon û medyaya tirk de qirika xwe diqetîne.

Ala tirk dide pişta xwe, misilmantiyê bi her awayî berovajî dike û dixe bin xizmeta sîstema dewleta tirk.

Li şûna ku wê li ser dînê rastî yê misilmantiyê bipeyîve, her dem behsa çavên delal yên keçikan dike, behsa hezkirina xwe û keçikan dike.

Helbet keçên tarîqatê jî ji halê xwe memnûn in.

Di bernameya dawî de jî Adnan Oktar ji keçikan dipirse ka ew jê hez dikin an na?

Keçikan ji berekê ve dixe "ezmûna hezkirinê"!

Helbet bersivên wan jî ne xerîb in.

Hemû dibêjin, "Em pir ji te hez dikin, em dixwazin bi te re di cinetê de jî bijîn û filan û bêvan..."

Ev hezkirineke wisa ye ku hemû pê "serxweş" bûne:-)

Weke me berê jî gotibû, madem ku her kes ji halê xwe memnûn e, nexwe ji Nûkurdê re jî zêde ne xem e.

Lê Adnan Oktar hemû sextekariya xwe, hemû dek û dolabên xwe her tiştî li ser navê misilmantiya nû dike û dixe bin xizmeta Dewleta Tirk.

Ne hewce ye em binivîsin, lê helbet têkoşîna kurdan jî wekî "terorîst" bi nav dike.

Nûkurd çend dîmen ji bernameya dawî ya Adnan Oktar li jêr diweşîne, gotina dawî helbet dîsa ya we xwendevanên hêja ye: